Στο ποντιακό σάιτ “lelevose.eu” ο Γιάννης Λαζαρίδης έγραψε στα ποντιακά ένα αποχαιρετιστήριο μοιρολόι για τον Παναγιώτη Ποικιλίδη:
“Κλαίει βοά ο ουρανόν, βουρκώνε τα ρασία,
εχάθεν ένας γίγαντας, βαρύν η χωρισεία…
Σο πάλεμα έτονε αϊτέντς, τη Πόντου το καμάρι,
Πάντσο ατσά θ’ ελέπωμεν, αοίκον παλληκάρι!
Καλός, φιλότεμος παιδάς, σο βίον πεχλιβάνον,
ο κόσμον ‘κι θα ανασπάλ’, τον παλαιστήν τον Πάνον.
Σ’ εσέν χαμαν, γιαβρί μ’, θα ανοίει τη παραδείς η πύλη,
αείμνεστος θ’ απεμέντς, εϊ Πάντσο Ποικιλίδη!
ΚΑΛΟ ΠΑΡΑΔΕΙΣΟ ΠΑΝΑΓΙΩΤΗ,
ΜΕ ΣΥΓΚΙΝΗΣΗ ΓΙΑΝΝΗΣ ΛΑΖΑΡΙΔΗΣ”
